HStAOrient5a: 89r

wa‑lā zāǧirātu ṭ‑ṭayr mā li‑llāhi ṣāniʿ

Ammā ʿırāfet budur ki baʿżı // berrāq nesnelere naẓar ėderler ve ṣu ile ṭolu qadeḥe ve qurṣ‑i āftāba // ve cirm‑i billūra naẓar ėderler ve anda cinnīler bize ẓāhir olur // muġayyebātdan ḫaber vėrürler dėrler. Ḥikāyet. ʿArrāf-i Yemāme Kūfeye // geldduqda [?] bir zen ʿArrāfuñ öñine gelüb eyitdi: [Bir] duḫterüm // vardur şikeminde bir ʿillet ẓāhir olub müteneffiḫ oldı // dėdi. ʿArrāf emr ėtdi legen ile ṣu getürdiler. [ʿArrāf ṣuya bir nesne oquyub zene eytidi: Ṣuya naẓar eyle.] Zen ṣuya // naẓar ėdüb ʿArrāf Yemāme oqub üfürdi. Der‑ḥāl zene // taġayyür geldi. ʿArrāf ne gördüñ daḫı dėdi. Zen eyitdi: Püserüm // qız qarındaşı ile mücāmaʿat ėder. ʿArrāf eyitdi: Ḥāl böyledür. // Tecessüs ėtdiler vāqiʿ çıqdı ve bu ḥadīs̱ fāş olub // oġlana siyāset ėtdiler. Mesʾele: İḫtilāc neye dėrler // ve ketfe naẓar ėtmek niçedür? Cevāb: İḫtilāc ādemüñ baʿżı // aʿżāsınuñ ḥareketinden baʿżı ḥavādis̱ ẓuhūrına istidlāl // ėtmekdür. Mes̱elā her ʿużv ki ṣol ṭarafdan ḥareket ėder delīl‑i // ḫayrdur. Zīrā qalb‑i insānī ki eşref‑i aʿżādur ṣol ṭarafdadur// dėrler. Ve kütüb‑i iḫtilāc [!] segir‑nāme dėrler miyān‑i ḫalqda meşhūrdur // ve mütedāvildür. Baʿżılar Ẕū l-Qarneyne baʿżılar Dānyāla nisbet // ėderler. Ammā ne delīl‑i naqlīye istinādı ve ne ḥüccet‑i ʿaqlīyeye